Чөлөөт бөхийн 2019 оны залуучуудын Дэлхийн аварга шалгаруулах тэмцээн өнөөдөр Эстонийн нийслэл Таллинд эхэлнэ. Тэмцээн энэ сарын 18-ныг дуустал үргэлжлэх юм.
Монгол Улсаас тус тэмцээнд 61 кг-ын жинд Э.Төгсжаргал, 65 кг-д Д.Тэнгис (хоёул Хасу-Мегастарс), 70 кг-д Э.Бямбадорж (Баянхонгор), 74 кг-д Б.Бат-Эрдэнэ (Орхон аймаг, Ирээдүйн одод), 86 кг-д Б.Билгүүн (Хасу-Мегастарс), 92 кг-д Э.Батмагнай (Баянхонгор), 125 кг-д С.Ган-Эрдэнэ (Хангай хүчтэн), эмэгтэйчүүдийн 50 кг-д Ч.Отгонтуяа (Алдар), 53 кг-д Н.Анударь, 55 кг-д Б.Энхцэцэг (хоёул Хилчин), 62 кг-д Ө.Пүрэвсүрэн (Баянхонгор), 68 кг-д Э.Дэлгэрмаа (Хасу-Мегастарс), 72 кг-д Ц.Хулан (Сэлэнгэ) гэсэн 14 тамирчин, Дархан-Уул аймаг, “Хасу-Мегастарс” клубын дасгалжуулагч, спортын мастер Ё.Батдарханы удирдлага дор зодоглож байна.
Монгол бөхчүүдээс залуучуудын дэлхийн аваргад гавьяат тамирчин А.Баатархүү “Улаанбаатар-1979”, ОУХМ С.Эрдэнэбаяр “Улаанбаатар-1989”, Т.Даваахуяг “Бээжин-2007”, гавьяат тамирчин Э.Бэхбаяр, ОУХМ Э.Даваачимэг “Паттая-2012”, гавьяат тамирчин С.Цэрэнчимэд “Софи-2013”, ОУХМ А.Батцэцэг “Загреб-2014”-д тус тус аваргалж байсан юм.
