Ойрын өдрүүдэд үргэлжлэн орсон аадар борооны улмаас олон мянган мал сураггүй алга болж, малчид орон гэрээ усанд алдаж байшин сав усанд живж, Баянхангай суманд бага насны нэг хүүхэд усанд живж харамсалтайгаар амиа алдсан талаар бид өмнө нь мэдээлсэн.
Тэгвэл, дахин нэг хүүхэд аянгад цохиулж амиа алдсан харамсалтай хэрэг өнгөрсөн даваа гарагт гарчээ. Тодруулбал, энэ сарын 24-нд Баянхонгор аймагт үргэлжлэн орсон хүчтэй борооны улмаас тус аймгийн Эрдэнэцогт сумын Намын гол гэх газарт хонио хариулж явсан 14 настай хүүхэд аянгад цохиулж амиа алджээ.