-8o
Улаанбаатар хот
mobile menu

Хорт хавдрын туяа эмчилгээнд шинэ технологи нэвтэрч байна

2019-06-21 12:00:00

Хавдар судлалын үндэсний төвийн “Туяа эмчилгээний технологийн дэвшил - Шугаман хурдасгуур аппаратыг Монгол улсад анх удаа хавдрын туяа эмчилгээнд нэвтрүүлэх нээлтийн ёслолын ажиллагаа боллоо. 

Монгол улсад тохиолдож буй хорт хавдрын дийлэнх хувь буюу 40 орчим хувийг дангаараа элэгний хавдар эзэлдэг бөгөөд элэгний хавдарт туяа эмчилгээг хийх боломжгүй байсан бол өнөөдөр шугаман хурдасгуурт 2 шинэ аппаратыг суурилуулсанаар элэгний хавдрын үед хийгдэх эмчилгээний боломж нэмэгдэж байна.

Энэхүү дэвшилтэт технологийг суурилуулах, нэвтрүүлэх төслийг  Австри улсын Засгийн газрын хөнгөлөлттэй зээлээр хэрэгжүүлж байгаа бөгөөд төслийг хэрэгжүүлэх явцад олон саад бэрхшээл тулгарсан ч хамтдаа даван туулж энэ онд шугаман хурдасгуурыг суурилуулж, цаашид туяа эмчилгээний дэвшилтэт технологиудыг Монгол улсад анх удаа нэвтрүүлэх алхам нээгдлээ.

 

Төсөл амжилттай хэрэгжсэн нь  хавдар судлалын төвийн удирдлага, эмч мэргэжилтнүүд, нийт ажилтан ажиллагсдын хамтын идэвх чармайлт, хүчин зүтгэл хөдөлмөр бүтээлийн үр шим юм.  
Ингээд Эрүүл мэндийн яамны хамт олон, Хавдар судлалын үндэсний төвийн удирдлага, Олон улсын атомын энергийн агентлаг, Монгол Улсын Цөмийн Энергийн Комисс, Олон улсын хамтын ажиллагаатай байгууллагууд, эмч эмнэлгийн мэргэжилтнүүддээ гүн талархал илэрхийлж, Монгол улсын хүн ам, ард иргэдийнхээ эрүүл мэндийн мөнхийн манаанд зүтгэх үйлсэд амжилт хүсье гэв. 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment