ШШГЕГ-ын харьяа Цагдан хорих 461 дүгээр ангиас хоригдож, шалгагдаж байсан сэжигтэн өчигдөр оргожээ. Тодруулбал, 2019 оны 5 дугаар сарын 3-ны өдрөөс яллагдагчаар татагдан Цагдан хорих 461 дүгээр ангид хоригдож байсан С.Төмөр өчигдөр буюу энэ сарын 19-ны оройн 19.00 цагийн үед тус ангийн байрлалаас оргосон байна.
С.Төмөр нь Сэлэнгэ аймгийн Зүүнбүрэн сумын харьяат, бүрэн дунд боловсролтой 25 настай, 3 удаагийн ял шийтгэлтэй нэгэн аж.