Бие дээрээ шатамхай шингэн асгаж түлэгдсэн хэрэг гарчээ. Цагдаагийн байгууллагад энэ сарын 7-нд "Сүхбаатар дүүргийн 13 дугаар хороо Сэлбэ голын далан дээр өөрийгөө шатаасан хүн байна” гэсэн мэдээлэл иржээ.
Дуудлагын дагуу шалгахад Сүхбаатар дүүргийн 13 дугаар хороонд суух 63 настай, эрэгтэй Б нь согтуурсан үедээ шатамхай шингэн зүйл бие дээрээ асгаж, биеийн 90 хувь түлэгдсэн байсан байна. Түүнийг Гэмтэл согог судлалын үндэсний төвд хүргэн эмчлүүлж байгаа аж. Юуны учир өөрийнхөө бие дээр шатамхай шингэн асгаж түлэгдсэнийг Сүхбаатар дүүргийн цагдаагийн хоёрдугаар хэлтэст шалгаж байгаа юм байна.
