Өчигдөр УИХ-ын Аюулгүй байдал, гадаад бодлогын байнгын хорооны хурлаар хар тамхитай холбоотой асуудлыг хаалттай горимоор хэлэлцсэн. Энэ үеэр УИХ-ын гишүүн Т.Аюурсайхан “Төрийн байгууллага, цагдаагийн байгууллагаас энэ талаар авч буй нууцлалтай арга хэмжээний талаар, шалгаж, тандаж буй мэдээлэл байсан учраас хаалттай хэлэлцсэн. Дипломат албаны ажилтнууд хэрэг зөрчилд холбогддог асуудал байсаар ирсэн. Бидэнд өгсөн мэдээллээр нэг удаадаа 20-30 мянган еврогийн тамхины наймаанд холбогддог байсан бол одоо хар тамхи зөөдөг наймаанд оролцдог болсон байна. Зөөлтийн нэг удаагийн эргэлт нь 3 сая евро байдаг. Тиймээс төрөөс энэ талаар яаралтай арга хэмжээ авах хэрэгтэй. Гадаад орчин дахь Монгол Улсын нэр хүнд эгзэгтэй, ноцтой нөхцөл байдалтай байна. Энэ бол нэг, хоёр удаагийнх биш" гэсэн мэдээллийг өглөө.
Т.Аюурсайхан: Гадаад орчин дахь Монгол Улсын нэр хүнд эгзэгтэй, ноцтой нөхцөл байдалтай байна
2019-06-13 12:25:00