Шүүх гурван настай хүүг бүх насаар нь хорих ялаас нь чөлөөлжээ

Хэвлэлийнхэн болоод олон нийтийн эсэргүүцэлтэй тулгарсан нэгэн хэргийг Египетийн шүүх өнгөрсөн долоо хоногт шүүсэн талаар CNN онцоллоо. Учир нь тус улсын шүүх гурван настай хүүд бүх насаар нь хорих ял оноосон шийдвэрээ эргэж харж, баривчлахааргүй болсон байна. Энэ явдал 2014 оны нэгдүгээр сард болсон  аж. Хэсэг хүмүүс улс төрийн жагсаал цуглаан хийхдээ хувийн эзэмшилд халджээ. Улмаар эсэргүүцлийн хөдөлгөөн ширүүсч гурван хүн амиа алдсан байна. Энэ хэрэгт жагсаалд оролцсон 115 хүнийг бүгдийг буруутгажээ. Тэднийг гурван хүний үхэлд буруутгасан байна. Тэр дунд гурван настай хүү Ахмедын эцэг байсан бөгөөд хүүхдээ тэврээд явж байжээ. Хэрэг явдал буруу эргэж, хууль хяналтынхан жагсаалд оролцсон бүх хүнийг буруутгаж, эцэг хүү хоёрт бүх насаар нь хорих ял оноожээ. Цагдаагийнхан эцгийг нь баривчлах гэж өнгөрсөн хоёр жил эрэн сурвалжилжээ. Ахмедын аав гэрээсээ оргон зугтааж явсаар 18 сарыг өнгөрүүлсний эцэст шүүхийн өмнө зогсчээ.  Мэдээж энэ хэрэг явдал хэвлэл мэдээллийн хэрэгслийн анхаарлыг татаж, олон түмний эгдүүцэл дургүйцлийг төрүүлж, ихээхэн маргаан шүүмжлэл дагуулсан тул Хууль зүйн сайдын хэргийг тусгайлан авч үзэж, эндүүрэл гарчээ гээд, эцэг хүү хоёрыг баривчлахгүй гэдгийг мэдэгдсэн байна. Цагдаагийнхан жагсаалд оролцоод зугтсан Ахмед нэртэй 16 настай хүүтэй андуурч, гурван настай Ахмедыг баривчлах гэж оролдсон байна гэжээ. Харин энэ мэдэгдэлд олон нийт итгэхгүй байгаа бөгөөд андуурсан байлаа гэхэд харваас гурван настай хүүхдийг баривчлах гэж дайрдаг нь ямар учиртай юм хэмээн асууж байна.