“ЭЕРЭГ-ЭХ ОРОН” АЯНЫ НЭЭЛТ БОЛЛОО

Дархан-Уул аймгийн ИТХ-ын гурван тойрогт энэ сарын 22-ны өдөр нөхөн сонгууль явагдана. Энэ шийдвэрийг аймгийн ИТХ-ын тэргүүлэгчдийн аравдугаар сарын 28-ны өдрийн хуралдаанаар гаргажээ. Харин энэ шийдвэрийг хууль бус хэмээн үзэж, тус аймгийн МАН-ын хорооноос өнөөдөр тайван жагсаал хийлээ. Аймгийн ИТХ-аас одоогийн байдлаар эгүүлэн татсан төлөөлөгчийн сул орон байхгүй, ИТХ-ын хуралдаанаас төлөөлөгчийг чөлөөлсөн, огцруулсан шийдвэр гараагүй байхад нөхөн сонгуулийг зарлаж байгаа нь Аймаг сум дүүргийн ИТХ-ын сонгуулийн тухай хуулийг зөрчсөн хэмээн үзэж байна. Тэд “ИТХ-ын тэргүүлэгчид хууль бус сонгуулийн хороогоо татан буулга”, “Ард иргэдийнхээ сонголтыг хүндэтгэ”, “Хууль зөрчихөө зогсоо”, “Иргэдийн сонголтыг уландаа гишгэхээ боль” зэрэг уриа лоозон барьсан харагдав.