Улсын Их Хурлын ээлжит бус чуулган өнөөдөр эхлэхээр товлосон билээ. Чуулганы хуралдааны танхимд УИХ дахь МАН-ын бүлгийн 26 гишүүн бүгд байхгүй байгаа юм. Мөн бие даагч гишүүдийн төлөөлөл ирээгүй байна. Товлосон хугацаанаас хоёр цаг орчим өнгөрсөн хэдий ч ээлжит бус чуулган хэзээ эхлэх нь тодорхойгүй байна. Ээлжит бус чуулганы нээлтээс гадна өнөөдөр УИХ дахь нам, эвслийн бүлэг, байнгын хороодын хуралдаан болох юм. Гэхдээ ирц хүрэхгүй гэх шалтгаанаар хойшилж магадгүй байна. УИХ-ын дарга З.Энхболд цахим хаягтаа “Цагаан сарын өмнө шийдэж амжаагүй асуудлаараа ээлжит бус чуулган хийхээр цуглаж байна. Ирц яг одоо
АН-68.6%, МАН-0%, ШЁЭ-20%, ИЗНН-100%, бие даагч-0%. Гишүүд хуралдаа ирье.” хэмээн жиргэсэн бол М.Зоригт "Дэндүү юмаа энэ #MAN , хуралдаа ир л дээ #UIH 09:30" гэсэн байна.
