Энэ сарын 12-ны өдөр БНХАУ-ын Хубэй мужийн Шианингийн Ардын шүүх тус улсын “Sichuan Hanlong Group” корпорацийн тэргүүн, тэрбумтан Лю Ханийг /Liu Han/ 49 насанд нь цаазалсан байна. Түүний нийт хөрөнгө 6.4 тэрбум ам.доллараар тоологддог. Түүнийг 1993 оноос хойш Сичуан мужид гэмт хэргийн бүлэглэл байгуулж, хээл хахууль аван хууль бусаар хөрөнгөжсөн, санаатайгаар үйлдсэн есөн аллагын хэрэгт буруутган, долоон удаагийн шүүх хурлын эцэст яллажээ. Тэрбумтан Лю Ханийг 2013 оноос эхлэн шалгаж эхэлсэн билээ.