Ерөнхий боловсролын сургуулийн хөл бөмбөгийн талбайн хаалга унаж хүүхэд дарагдаж нас барсан харамсалтай хэрэг гарчээ. Тодруулбал, 79-р сургуулийн хөлбөмбөгийн талбайн хаалга унаж нэг хүүхэд газар дээрээ амиа алдсан осол энэ сарын 18-нд буюу өчигдөр гарсан байна. Тус сургуулийн тавдугаар ангид сурдаг хүү эмээгээсээ “Хөлбөмбөг тоглочихоод, удахгүй ороод ирье” гэж гуйж гараад цаг ч бололгүй ийнхүү харамсалтайгаар амиа алдсан байна.
Тэгвэл эх сурвалжийн мэдээлснээр тус сургууллийн хүүхдүүд хаалга байнга унаж байдаг. Бид боосгож тавьчихаад тоглодог гэж ярьсан байна. Хүүгийн гэр бүлийнхэн ослын талаар сонсоод очиход хүү амьсгал хураасан, цагдаа шүүх эмнэлгийнхэн цогцсын машиндаа хийчихсэн байсан гэнэ.
Харин сургуулийн зүгээс одоогоор ямар нэгэн тайлбар мэдээлэл өгөөгүй ч биеийн тамирын багш нь “Сургууль амарчихсан байсан. Бид нар 14 хоногийн өмнө гагнасан. Бид зохих журмынхан дагуу шийдвэрлэнэ” гэх тайлбарыг өгсөн гэдгийг эх сурвалж мэдээллээ.
