Энэ сарын 18-ны өдрийн 20:00 цагт Архангай аймгийн Өндөр-Улаан сумын Донгой багийн “Цохиот” гэдэг газар (аймгийн төвөөс хойд зүгт 100 км-т) тус багийн харьяат иргэн Б (27 настай, эрэгтэй, хөгжлийн бэрхшээлтэй) гэрээсээ гараад сураггүй алга болжээ.
Энэ тухай дуудлагыг тавдугаар сарын 19-ний өдрийн 21:10 цагт хүлээн авч, тус аймгийн Онцгой байдлын газрын таван алба хаагч, орон нутгийн 25 иргэн, нийт 30 хүн, есөн техник хэрэгсэлтэйгээр эрэн хайх ажиллагааг зохион байгуулж эхэлсэн байна.
Өнгөрсөн ням гариг буюу тавдугаар сарын 20-ны өдрийн байдлаар “Хөөтэй чих” уулын эргэн тойронд 70 км газар явганаар эрэн хайх ажиллагаа зохион байгуулсан бөгөөд эрлийн ажиллагаа үргэлжилж байгаа аж.
