Парист болсон халдлагын үеэр Оросын иргэн амиа алджээ

Өнгөрсөн баасан гарагт Парист цуврал халдлага болсны дараахан ОХУ-ын иргэн сураггүй алга болсон гэж бүртгэгджээ. Харин мягмар гарагт уг эмэгтэйн нөхөр халдлагын үеэр амиа алдсан хүмүүсийн дунд эхнэр нь байсан гэдгийг баталсан байна. Амиа алдсан иргэн Наталья Муравьева гэгч байсныг тогтоосон бөгөөд тэрээр Орос болон Францын давхар иргэншилтэй байжээ. Тэрээр нөхрийнхөө хамт Батаклан концертын танхимд тоглолт үзэж байсан аж.