Өчигдөрийн Засгийн Газрын хуралдаанаар ОӨУБЕГ-ын дарга Р.Содхүүг үүрэгт ажлаас нь чөлөөлсөн байна. Өнгөрсөн есдүгээр сард Р.Содхүү өөрийн ах, дүү, хамаатан саднаа Оюуны өмч, улсын бүртгэлийн ерөнхий газар /ОӨУБЕГ/-т ажилд оруулж, албан тушаалд томилсон тухай мэдээлэл зарим сонин, сайт, фэйсбүүк хуудаст нийтлэгдэгдэж нэлээд дуулиан дэгдэж байсан. Тус хэргийг цагдаагийн байгууллагаас хүртэл шалгаж байсан бөгөөд асуудал тэгсхийгээд намжсан. Р.Содхүү дарга саяхан ярилцлага өгөхдөө, "хүмүүс банкинд өдөржингөө дугаарлахдаа юм ярьдаггүй байж, Улсын бүртгэлийн газарт 3-4 цаг зогсохдоо олон юм ярьдаг. Ер нь төрийн бүртгэлийн байгууллага тодорхой хэмжээний хүнд сурталтай байх ёстой" хэмээн "сургаал айлдсан" нь ийнхүү чөлөөлөгдөх сэдэл болсон байх магадлалтай талаар эх сурвалж мэдээллээ.