Хойд Хятадын нэгэн хотод байгуулсан 100 метр өндөр агаар цэвэршүүлэгч цамхаг ашиглалтад оржээ. Эрдэмтдийн ахлагч Цао Жүнжигийн мэдээлснээр уг цамхаг хотын 10 км.кв талбайн агаарыг цэвэрлэж, сүүлийн хэдэн сарын хугацаанд 10 сая шоо метр цэвэр аграар үйлдвэрлэх хүчин чадалтай аж. Бохир агаарыг сорж авсан цамхаг нарны эрчим хүчээр халаадаг байна. Ингэж халсан агаар цамхагийн дотуур дээш хөөрөхдөө олон давхар шүүлтүүрээр дамждаг ажээ. Эрдэмтэд хотын хэд хэдэн газарт агаарын чанар хэмжигч байрлуулж, туршилтын үр дүнгээ хэмжиж байна. Ингэхэд хамгийн их бохирдолттой үед PM2.5 тоосонцрын хэмжээ 15 хувиар буурч байжээ.
