ОХУ-ын Улсын Думын өнгөрсөн баасан гарагт болсон нэгдсэн хуралдаанаар Монгол Улсаас ОХУ-ын өмнө хүлээсэн өрийн 97 хувийг чөлөөлөх тухай хуулийн төслийг эхний хэлэлцүүлгээр баталсан байна. Энэ үеэр Монгол Улсын өрийг чөлөөлөх асуудлыг хэлэлцсэн 385 депутатаас 47 депутат л эсрэг санал өгчээ. Төрийн думын хуралдаанаар энэ хуулийн төслийг баталснаар Монгол Улс 174.2 сая хэмжээтэй өрөөс чөлөөлөгдлөө. Харин үлдсэн 3.8 сая ам.долларын өрийг Монгол Улс 30 хоногийн дотор ОХУ-д төлөх ёстой юм байна.Уг асуудалд Либерал ардчилсан намын тэргүүн Владимир Жириновский шүүмжилжээ. Тэрбээр “Монгол Улс эдийн засгийн харилцаатай байдаг орнуудаасаа чухамхүү Оросын өрийг л төлөхгүй байгааг огт ойлгохгүй байна. Гэтэл Хятадад бага багаар ч гэсэн зээлээ төлдөг. Монголчууд өрөө бартераар шийдэхэд бэлэн байсан. Тэдэнд хүйтэн өвлөөр хөлдөхдөө тулаад байгаа 30 сая хонь байна” гэжээ .
