8o
Улаанбаатар хот
mobile menu

Хэлмэгдэгсдийн нөхөн олговрыг 2019 оноос олгож эхэлнэ

2017-12-11 16:45:00


 УИХ дахь МАН-ын бүлэг өнөөдөр Төрийн ордонд ээлжит хуралдаанаа хийв.

Хуралдаанаар УИХ-д өргөн мэдүүлсэн болон хэлэлцүүлгийн шатанд байгаа хууль, УИХ-ын бусад шийдвэрийн төслүүдийн талаар бүлгийн гишүүдээс авсан санал, Улс төрийн хилс хэрэгт хэлмэгдэгсдийг цагаатгах, тэдэнд нөхөн олговор олгох тухай хуульд нэмэлт өөрчлөлт оруулах тухай хуулийн төсөл гэсэн хоёр асуудал хэлэлцсэнийг бүлгийн дарга Д.Хаянхярваа мэдээлэв.

Тэрбээр цааш хэлэхдээ, “УИХ-д өргөн мэдүүлсэн болон хэлэлцүүлгийн шатанд цөөнгүй хуулийн төслүүд байгаа. Тэдгээрээс алийг нь эхний ээлжинд хэлэлцэх вэ, алийг нь хаврын чуулган руу шилжүүлэх үү, эсвэл хууль санаачлагчид нь буцаах уу гэдэг дээр тогтож ярьлаа. Хоёрдугаарт, Улстөрийн хилс хэрэгт хэлмэгдэгсдийг цагаатгах, тэдэнд нөхөх олговор олгох тухай хуульд нэмэлт өөрчлөлт оруулах тухай хуулийн төслийг авч хэлэлцэв. Уг хуулийн төсөл нь 600 гаруй хүний асуудал хөндөгддөг атал таван удаа буцаасан. Тиймээс тус хуулийг ондоо багтаан хэлэлцэх нь зүйтэй гэж үзлээ. Ингэснээр 2019 оны төсөвт шаардлагатай хөрөнгийг суулгаж, тэдгээр иргэний санал хүсэлтийг бүрэн барагдуулах юм" гэлээ. Үүний дараа сэтгүүлчдэд сонирхсон асуултдаа хариулт авсан юм.

-Сонгуулийн болон Улстөрийн намуудын тухай хуульд өөрчлөлт орох гэж байгаа. Ямар өөрчлөлт орох гэж байна вэ?

-Энэ асуудлыг өмнө нь бүлгээр авч хэлэлцсэн. Дээрх хоёр хуульд өөрчлөлт хийхийн өмнө УИХ-ын даргын захирамжаар ажлын хэсэг байгуулах нь зүйтэй гэж үзсэн. Сонгуулийн тухай хуулийн ажлын хэсгийг УИХ-ын дэд дарга Л.Энх-Амгалан, Улстөрийн намуудын тухай хуулийн ажлын хэсгийг УИХ-ын гишүүн С.Бямбацогт ахалж ажиллана. Өнгөрсөн сонгуулиуд нь сонгуулийн нэг хуулийн хүрээнд болж өнгөрсөн. Тиймээс Ерөнхийлөгчийн, УИХ-ын, Орон нутгийн гэсэн гурван тусдаа хуулийн төсөл боловсруулж, сонгуулийн гурван хууль гаргах хэрэгтэй. Улстөрийн намуудын хуулийг боловсруулахдаа бусад намуудын төлөөлөл, эрдэмтэн судлаачдыг татан оролцуулна.

-Улстөрийн хилс хэрэгт хэлмэгдэгсдэд олгох нөхөн олговрын хүрээнд ямар тусламж дэмжлэг олгох вэ. Намрын чуулган хэр чадамжтай чуулган болж байна гэж дүгнэж байна вэ?

-Одоогийн хуулийн төсөлд ямар заалт орсныг мэдэхгүй байна. Гэхдээ хэлмэгдэгсдэд олгох нөхөн олговрыг өмнөх жишгээс бууруулахгүй байх ёстой гэж гишүүд хэлж байгаа. Намрын чуулган нийгмийн хамгааллын чиглэлийн хуулиудыг түлхүү баталж өгсөн.

Т.Хулан
 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
хууль завшигч
19 онд ар гэрийнхэн ахмад бууралууд хорвоогийн мөнх бусыг үзчихвэл хэнд өгөх гэж хууль батлах юм бэ. хулгай луйвар хийдэг этгээдүүд сайны нэрээр муучууд гэгчээр завших уу.
2017/12/11 103.212.116.142
  • Recent
  • Most Read
  • Most Comment