11 жилийн турш дэлхийн 86 орноор аяласан Амай буюу Золбаяр эмнэлгийн орноос лайв хийж харамсалтай мэдээлэл дуулгасан байна. Амай Африк тивд явж байхдаа Малери өвчин туссан бөгөөд өдгөө бие нь улам муудсаар бөөр нь ажиллагаагүй болжээ. Тэрбээр хэдэн хоногийн өмнө ухаан алдаж эмнэлэгт яаралтай хүргэгджээ.
Түүний хувьд 2010 оноос хойш өөрийн олж мэдсэн туршлага, аялалын мэдлэг мэдээллээс хуваалцах боломжийг Монголын аялал жуулчлалын яам, Соёлын яам, Гадаад харилцааны яаманд удаа дараа хүсэлт гаргасан боловч одоог хүртэл ямар нэгэн хариу аваагүй байгаа аж. Олон жилийн турш эрс тэрс уур амьсгал дунд аялаж явсан түүний бие нилээдгүй муудаж эмчилгээнд сар бүр 2 сая төгрөг зарцуулдаг болсон байна. Эмнэлгийн өрөөнөөс бус коридорт хэвтэн лайв хийж байгаа Амайн бөөрний үйл ажиллагаа нь бүрэн зогссоныг хэлээд дэлхийн долоон тэрбум хүн дотор хамгийн их газар үзэж, мэдээлэл цуглуулсан хүн сүүлийн өдрүүдээ ийнхүү эмнэлэгт өнгөрүүлж буйдаа харамсаж буйгаа илэрхийлсэн байна.
