Энэ долоо хоногийн дундуур Мэргэжлийн сүмогийн 70 дахь ёкозуна Харумафүжи Д.Бямбадорж нутаг нэгтнээ зодож хүнд бэртээсэн гэсэн мэдээлэл цацагдаж эхэлсэн. Тухайн маргаан болох үед манай хэд хэдэн сүмочид байсанаас гадна Их аварга Хакухо хүртэл байсан аж. Их аварга Хакухо энэ хэргийн талаар хэлэхдээ “Харумафүжи Таканоива А.Баасандоржийг шар айрагны шилээр цохисон асуудал байхгүй. Гартаа шар айрагны шил барьсан байсан нь хаа нэгтээ цохигдож хагарсан байх, гар нь нойтон байсан учраас гараас мултарсан юм билээ. Маргааш өдөр нь тэд харилцан бие биенээсээ уучлал гуйсан” хэмээн ярьсан.
Японы сэтгүүлчид Харүмафүжи Д.Бямбадоржийн байрлаж буй газарт хэд хоног шавж мэдээлэл авахыг оролдож байгаа талаар Японы хэвлэлүүд мэдээлэл гаргаж байна. Мөн үүнээс гадна Японы гурван телевиз энэ хэргийн талаар монголчуудын байр суурийг сонсохоор манай улсад ирсэн байна. Тус телевизийн сэтгүүлчид Таканоива А.Баасандоржийн ах А.Лувсангын байр суурийг авсанаас гадна Монголын сумо бөхийн холбооны ерөнхийлөгч Д.Батбаяраас хүртэл байр суурийг нь авсан байна. Тус мэдээлэл гарч эхэлсэнээс хойш ихэнхи хүмүүс Харумафүжи Д.Бямбадоржийг буруутгаж байсан.
Тэгвэл өчигдөрөөс эхлэн энэ хэргийн буруутнаар Таканоива А.Баасандорж түүний дэвжээний багш Таканохана Ояката нарыг буруутгаж эхэлсэн байна. Учир нь Харүмафүжи Д.Бямбадорж Таканоива А.Баасандорж нар маргалдсан нь үнэн боловч, пивоны шилээр цохьсон гэдэг нь ор үндэслэлгүй гэсэн байна. Ингэж худлаа мэдээлэл цацах шалтгаан байсан аж.
Тодруулбал, Таканохана Ояката удахгүй Сумогийн холбооны ерөнхийлөгчид нэр дэвшихээр зэхэж буй юм байна. Таканохана Ояката нь Таканоива А.Баасандоржийн дэвжээний багш нь аж. Таканоива А.Баасандоржийн гавал цуурч, хүнд гэмтэл учирсан гэх Японы шүүх эмнэлгийн дүгнэлт, тодорхойлолтыг багш Таканохана Ояката нь хуурамчаар үйлдүүлсэн нь илэрсэн байна. Таканохана Ояката нь Сумогийн холбооны ерөнхийлөгч болохын тулд, дэвжээнийхээ болоод өөрийнхөө нэр хүндийг өсгөхийн тулд ийнхүү монгол сүмочдыг ашигласан гэсэн мэдээлэл цацагдаж эхэллээ.
