Хэнтий аймгийн Хэрлэн сумын 2 дугаар багийн нутгаас энэ сарын 17-18-ныг шилжих шөнө 03:00 цагийн орчимд тус сумын иргэн “У” нь Тоёото маркийн автомашинаа түр асаалттай орхиод эргэж ирэхэд машин нь алдагдсан байсан тухай дуудлага Цагдаагийн газарт иржээ.
Уг дуудлагын дагуу ажлын хэсэгт үүрэгт гүйцэтгэж байсан Эдийн засгийн мөрдөгч дэслэгч н.Базаррагчаа, Эрүүгийн мөрдөгч дэслэгч н.Пүрэвсүрэн нар цаг алдалгүй түргэн шуурхай ажилласны үр дүнд гэмт этгээдүүдийг 24 цагийн дотор илрүүлж авто машиныг эзэнд нь бүрэн бүтэн хүлээлгэн өгсөн байна.