УИХ-ын ээлжит чуулган үргэлжилж БОАЖЯ-ны сайдад УИХ-ын гишүүн Н.Цэрэнбатыг томилох тухай асуудлыг хэлэлцэж байна. Гишүүд асуулт асууж байна.
УИХ-ын гишүүн Н.Учрал “Ногоон байгууламжийн хуулийг батлах хэрэгтэй. Энэ асуудлыг хамгийн эхэнд оруулж ирж чадах уу. Хогийн цэг хүртэл хүний эзэмшил болсон байна. Улаанбаатар хот шавар байшингийн үзэсгэлэн болжээ. Агаарын бохирдол гэхээр л ганц утаа ярихгүй ээ. Хөрсний бохирдлын асуудлыг орхигдуулж байна. 21-р зуунд нүхэн жорлон ярьж байгаа газар манайхаас өөр алга.”
Н.Цэрэнбат “Сүүлийн 20 гаруй жилд хэт их эрх чөлөө ярьж ногоон байгууламжаа орхигдуулсан. Хүний нөлөөнөөс болоод байгаа байгаль орчны асуудлыг бууруулахад шинжлэх ухааны оролцоог сайжруулна. 114 мянга гаруй хэрэглэгч цахилгааны шөнийн тарифын хөнгөлөлтөд хамрагдаж байгаа. Түүхий нүүрсний хэрэглээгээ багасгах хэрэгтэй байна. Хөрсний бохирдол дотроо хөрсний нянгийн хэмжээ их байгаа гэсэн судалгаа гарсан. Азийн хөгжлийн банктай хамтраад 1500 өрхтэй нүхэн жорлонгийн төсөл хэрэгжүүлээд явж байгаа.”
