Д.Тэрбишдагва: Намын даргатайгаа муудалцсан асуудал огт байхгүй

УИХ-ын гишүүн Д.Тэрбишдагва МАХН-ын дэд даргаас чөлөөлөгдөх хүсэлтээ гаргасан байна. Түүнийг  дэд даргынхаа ажлыг өгөх гэж байгаа тухай таамаг яриа гарч байсан нь ийнхүү батлагдсан юм. Түүнийг ийнхүү намын дэд даргаасаа татгалзсан явдалыг намынхаа даргатай таарамж муутай байгаагаас болж ийм шийдвэр гаргасан гэж хэвлэлүүд мэдээлж байна. Харин энэ талаар УИХ-ын гишүүн Д.Тэрбишдагва "Намын даргатайгаа муудалцсан асуудал огт байхгүй. Хоёр дэд даргатай байх шаардлагагүй гэж л үзсэн.МАХН-ын үйл ажиллагаа одоо бүрэн жигдэрээд байна. МАХН-ын дарга Н.Энхбаяр болон намын дэд Ц.Цолмон дарга байна. Түүнчлэн нарийн бичгийн дарга нар байгаа тул намын дэд даргаас чөлөөлөгдөх хүсэлтийг гаргалаа. Цаашдаа намын үйл ажиллагаа намаа бэхжүүлэх ажилд анхаарч ажиллана" гэжээ.