Яг одоо Төрийн ордонд УИХ-ын Тусгай хяналтын дэд хорооны хуралдаан хаалттайгаар үргэлжилж байна. Хуралдаанд Сү.Батболд, Г.Занданшатар, Д.Цогтбаатар, Н.Энхболд, Я.Санжмятав нарын гишүүдээс гадна ерөнхий сайд Ж.Эрдэнэбат, шадар сайд У.Хүрэлсүх нар оролцож байгаа аж. Харин Засгийн газрыг огцруулах саналд гарын үсэг зурсан гишүүдээс Б.Энх-Амгалан, Х.Нямбаатар мөн хурал оролцож байна.
Өнөөдрийн Тусгай хяналтын дэд хорооны хуралдаанаар хэлэлцэж гаргасан шийдвэрийг хуулийн дагуу чуулганы нэгдсэн хуралдаанаар хэлэлцүүлэх учиртай. Тэгвэл Тусгай дэд хорооны хурал дууссаны дараа чуулган уг асуудлыг хэлэлцэх аж. Ингэхдээ хаалттайгаар хуралдана гэдгийг эх сурвалж онцоллоо.
