"Багшийн Цалинг Нэмэгдүүлэх" түр хорооноос сургууль, цэцэрлэгийн багш нар цалингаа нэмэгдүүлэхийг шаардаж мэдэгдэж хэвлэлийн хурал хийлээ. Тэд цалингаа хоёр дахин нэмэгдүүлэхээр Засгийн газарт шаардлага хүргүүлэхээр болсон байна. Эхний ээлжинд шаардлага хүргүүлж, дараагийн удаа тайван жагсаал хийж, цаашлаад ажил хаялт зарлана гэдгээ онцоллоо. Мэн тэд багш нарын хувьд сарын цалин нь хэтэрхий бага тул найман хувийн хүүтэй орон сууцны зээлд ч хамрагдаж чаддаггүй хэмээн учирлаж байсан юм. Засгийн газарт уг шаардлагаа хүргүүлж, энэ сарын 24 гэхэд хариу ирүүлэхийг хүсчээ. Шаардлагын хариуг биелүүлэхгүй бол есдүгээр сарын 1 нд 32 мянган багш ажил хаялт зарлах тухай мэдэгдлээ.
