Монгол Улсын Ерөнхийлөгч Халтмаагийн Баттулга Үндэсний их наадмыг нээн үг хэлж, баяр наадмын нээлтийн ёслол, хүчит бөхийн барилдааны нэгийн давааны эхлэлүүлсэн юм. Мөн сурын талбайд зочилж эрхий мэргэн харваачид, тэнд хуран цугларсан наадамчин олонтой мэндчиллээ.
Сурын талбайд зочлох үеэрээ Монгол Улсын Ерөнхийлөгч наадамчин олонд хандаж “Би Ерөнхийлөгчийн тангаргаа өргөөд үндэсний их баяр наадмаа нээлээ. Сайхан наадацгаагаарай. Баярлалаа, та бүхэнд” гэв.
Үүний дараа тэрээр шагайн асарт саатаж шагай харвалаа. Энэ үеэрээ Монгол Улсын Ерөнхийлөгч шагайн харваачдад мэндчилгээ дэвшүүлж, сайхан наадахын ерөөл дэвшүүлэв.