Пауэрлифтингийн дэлхийн аварга шалгаруулах тэмцээний мастер-1 ангиллын +120 кг-д Монголын тамирчин П.Болдбаатар 305 кг-ыг шахсанаар мөнгөн медаль хүртлээ.Литви улсад пауэрлифтингийн хэрэглэлтэй төрлийн өсвөр үе, залуучууд, насанд хүрэгчид, мастер ангиллын ДАШТ энэ сарын 22-нд эхэлсэн юм. Тус тэмцээнд манай улсаас Монголын пауэрлифтингийн нэгдсэн холбооны найман тамирчин өрсөлдөж Монголын баг ийнхүү анхны медалиа хүртсэн юм.
Энэ тэмцээнд өсвөр үеийнхний 66 кг-д С.Сүхбат, насанд хүрэгчдийн 74 кг-д Б.Баярбаатар, 83 кг-д Б.Гансүх, 93 кг-д М.Галсайхан, 105 кг-д Д.Түмэнжаргал, -120 кг-д Б.Чимэдцэрэн, Б.Алтангэрэл нар оролцож байгаа бөгөөд мастер-1 ангилалд П.Болдбаатар хүч үзэж байна.
