Энэ ням гаригт 32 хүүхдийг өсгөж эгэл бор амьдралтай М.Сарнай бүсгүй гэрт Оросын зөн билгийн тулаан 13 дугаарын ялагч Димитрий Волхов болон буян үйлдэж сэтгэлийн дэм хайрласан хүмүүстэй хамт очсон юм. Бүсгүй гэртээ хогийн цэгт өсч байгаа, архины хамааралтай эцэг эхтэй хүүхдүүдийг өөр дээрээ авч өсгөх буянтай ажлаа есөн жилийн өмнө эхлүүлсэн байна.
Зөн билэгтэн Димитрий Волхов "Сарнай хүүхдийн төв" бүтээн байгуулалтын аянд нэгдэн хувиасаа 500000 төгрөгний хандив өргөлөө. Сарнай бүсгүй зөн билэгчтэй уулзаж, адис авч, зөн билэгчийн аз жаргал баяр баясгалан авчирдаг хамгаалалтын бугуйвч бэлгэнд авсан байна.
