Румын Улсын Яйши хотноо 42 орны 500 гаруй өсвөрийн шатарчид 12 ангилалд 36 цогц медалийн төлөө 9 өрөг тоглон ухаанаа уралдууллаа.
Уг ДАШТ-д Монголын өсвөрийн шатарчид гурван алт, гурван мөнгө, нэг хүрэл нийт 7 медалиар Аварга баг боллоо.
Үүнд:
- Сурагчдын ДАШТ-ий 7 хүртэлх нас: Д.Цэлмүүн /эм/ алт, Б.Марал /эм/ мөнгө
- 9 хүртэлх нас Нээлттэй төрөл: Э.Азжаргал алт
- 11 нас хүртэлх охидын ангилалд: Д.Мөнхзул алт
- 13 хүртэлх насны охидын ангилалд: Б.Алтантуяа хүрэл медаль
- 13 нас хүртэлх Нээлттэй төрөлд: Д.Батсүрэн мөнгө
- 15 хүртэлх нас охид: О.Өлзийхишигжаргал мөнгө медаль тус тус хүртжээ.
Мөн тэмцээний Блиц төрөлд 33-р сургуулийн сурагч Дамбасvрэнгийн Батсүрэн хөвгүүдийн 13 насанд алтан медаль, 33-р сургуулийн сурагч Даваахүүгийн Хонгорзул охидын 17 насны ангилалд алтан медаль хүртэж Сурагчдын дэлхийн аварга боллоо.
