Сонгууль болоход хэдхэн сар үлдэж улстөрчид иргэдэд хайр зарлаад эхэлчихсэн. Улстөрчид шинэ жилийн бэлэг хэмээн сонгогчиддоо бэлэг тараагаад удаж байгаа. Тэгвэл зарим нь бүүр цагаандаа гарсан бололтой. Цахим хуудсаараа дамжуулан бэлэг явуулсан гэж зарлаж байх юм. Тэдний нэг нь УИХ-ын гишүүн асан Л.Гүндалай. Түүний хувьд УИХ-д төрөлх Хөвсгөл нутгаасаа хэдэнтээ сонгогдсон ч энэ удаа төрсөн нутагтаа биш Орхон аймагт хүч үзэхээр шийдсэн. Тэгвэл тэрбээр өнөөдөр "Сайн байцгаана уу. Эрдэнэтийнхэндээ ирж буй шинэ жилийн баярын мэнд хүргэж хүн бүр эрүүл энх байж аз жаргалаар бялхаж байх болтугай хэмээн ерөөл дэвшүүлж өрх бүрт монгол занабазарын хийц бүхий бурхан, гурил бэлгэнд хүргүүлж байгааг минь хүлээн авна уу" гэсэн байна.
