"Улаанбаатар төмөр зам" нийгэмлэгийн тэргүүн Л.Пүрэвбаатар сүүлийн үед "Улаанбаатар төмөр зам" нийгэмлэгийн зарим хувьцааг Хятадын талд шилжүүлэх талаарх дуулианд холбогдоод байгаа билээ. Энэ талаар Гадаад хэргийн сайд Л.Пүрэвсүрэн мэдэгдэл гаргасан. Тэгвэл Л.Пүрэвбаатарыг гадаадад зорчихыг шүүхээс хориглож энэ талаарх албан бичгийг Иргэний харъяалал шилжилт хөдөлгөөний газарт хүргүүлжээ. Эх сурвалжийн мэдээлж буйгаар энэ нь төмөр замын асуудалтай холбоогүй аж. Нэгэн иргэн түүний эсрэг шүүхэд гомдол гаргасан аж. Тэр хүн "Улаанбаатар төмөр зам"-ын даргаас авлагатай, түүгээр төлүүлэх шүүхийн шийдвэрийг биелүүлэхгүй байгаад арга хэмжээ авахуулахаар ийнхүү гомдол гаргасан байна. Шүүгчид уг асуудлыг хэлэлцээд иргэний гомдлыг үндэслэлтэй гэж үзээд ийнхүү шийдвэрлэжээ.
"Улаанбаатар төмөр зам" нийгэмлэгийн тэргүүн Л.Пүрэвбаатарыг хилээр гарах эрхийг хязгаарлажээ
2015-12-23 09:46:00