УИХ-ын гишүүн асан Д.Арвин гурван жилийн өмнө буюу 2014 оны аравдугаар сард иргэд орон сууцтай болно хэмээн түүнд итгэл хүлээлгэж нэгэн дор 85 өpx, газраа чөлөөлж барилга эхлэхийг зөвшөөрсөн гурван талт гэрээ байгуулж байсан аж. Харин 2017 он гарчихаад байхад нэг ч барилга баригдаагүй байгаа бөгөөд хохирогчид Д.Арвины компани дээр таван өдөр суулт хийжээ.Иргэдийн хувьд ямар нэгэн шийдтэй хариу авч чадаагүйн учир өчигдөр хотын удирдлагуудтай уулзаж уг асуудлаар санал бодлоо солилцсон байна.
Өнгөрсөн баасан гарагт эдгээр иргэд Д.Арвины компани дээр суулт хийж байх үеэр АТГ-ын мөрдөгчид ирж “Их өргөө” ХХК-ийн бичиг баримт болон компьютерийг нь битүүмжлэн авч явсан байна. Уг хэрэгт тус компанийн эзэд гэгдэх Д.Арвины хүү Од гэгч нь “Сансар” хотхоны орон сууцыг барихдаа иргэдийн орон сууцны ордерыг барьцаалж банкнаас зээл авсан гэх мэдээлэл байна.
