Гурван жилийн өмнөх яг энэ өдөр “Дэлхий сүйрнэ” хэмээн олон хүний зүрхэн шар ус хуруулж байлаа. Бүр нэртэй компаний захирал хүртэл энэ өдөр ямар нэгэн юм болно хэмээн олон нийтийн мэдээллийн хэрэгслээр ярьж, өвгөд хөгшидийг сандаргаад авсан. Энэ дуулианаараа лаа шүдэнз үнэд орж, монгол гэр хүртэл эрэлттэй барааны нэгд тооцогдож, 12 дугаар сарын 22 гэж байхгүй мэтээр төсөөлөгдөж байсан нь саяхан. Энэ өдөр “Дэлхий сүйрнэ” гэх мунхаглал маяагийн цаг тооллоос эхтэй. Маяа үндэстний 5125 жилийн урт хугацааны цаг тоолол 2012 оны 12 дугаар сарын 21-нд дуусах болсонтой холбогдуулан одон орончид, судлаачид 2012 онд тохиох нарны систем, од эрхисийн хөдөлгөөнтэй холбон дэлхийд тохиолдох янз бүрийн үзэгдлийн тухай харилцан адилгүй таамаглал дэвшүүлж, түүндээ итгэсэн нь ийнхүү мунхруулсан хэрэг. Тэгвэл дэлхий хэзээ яг сүйрэх вэ?
Олон улсын эрдэмтдийн хамгийн их сонирхол татдаг сэдэв нь яах аргагүй дэлхий ертөнц билээ. Зарим эрдэмтэд дэлхийн сүйрэл 2040 оны 2 сарын 5 ны өдөр болно гэдэг. Гэвч дэлхийн төгсгөл хэзээ ирэхийг хэн ч бодитоор таамаглаж чадаагүй. Алдарт зөнч Ванга 3739 онд сүйрнэ гэж бичиж үлдээжээ. Гэтэл Олон улсын сансар судлалын “НАСА” агентлаг 2040 онд буюу 26 жилийн дараа дэлхийн төгсгөл ирнэ гэсэн таамаглал дэвшүүлжээ.
Маш олон эрдэмтэд дэлхийг судалж эрдмийн зэрэг хамгаалсан. Харин 2040 оны үед сүйрнэ гэдгийг хамгийн бодит хувилбар хэмээн батлахыг оролдсон байна. Тэд 2040 он гэхэд нийт хүн амын 80 гаруй хувь нь үхэж бөмбөрцөгийн тал нь сүрйнэ гэсэн аж. Сүйрлийн шатлгаан нь дэлхийн цорын ганц дагуул болох сарны хажуугаар өнгөрөх хар тугалга бүхий солир дэлхийтэй мөргөлдөнө гэж тогтоожээ.
Өнгөрсөн 2011 онд 150 орчим метр овор бүхий “AG5” сансрын биет дэлхийтэй ойрхон зөрсөн бөгөөд үүнээс 30 жилийн дараа энэхүү солиртой тун төстэй биет дэлхийг мөргөх магадлалтай гэнэ.
Энэ талаар “UNN EuroSMI” агентлагт дэлгэрэнгүй мэдээлсэн байна. Эрдэмтэд гамшиг тохиох өдрийг 2040 оны хоёрдугаар сарын 5-ны өдөр хэмээн тооцоолж, өнөөдрөөс цаг явж эхэлснийг анхааруулжээ. Хэдийгээр энэхүү солир манай гарагт үлэмж хэмжээний хохирол учруулах боловч хүн төрөлхтөн бүхэлдээ сүйрнэ хэмээн таамаглахгүй байна.
Хэрэв дэлхийн нийт талбайн 4/1 нь солирын дайралтад өртвөл ойролцоогоор 100 сая хүний аминд шууд хүрэх аюултай. Солирын цохилтоос үүдсэн гамшиг хүн төрөлхтнийг аажмаар туйлдуулан үгүй хийх магадлал илүү өндөр гэнэ. Юутай ч солир манай гарагтай мөргөлдсөн даруйд хүн төрөлхтөн ор мөргүй алга болохгүй аж. Учир нь үлэг гүрвэлүүд солирын борооны цохилтод өртсөнөөс хойш олон жилийн дараа хоол хүнсний хомсдолд орж бүрэн устсан гэж таамагладаг юм.
Эрдэмтэд 2013-2016 оны хооронд энэхүү солирын тухай илүү бодитой судалгаа хийж үнэн мөнийг мэдээлэх аж. Тодруулбал, дэлхий рүү ойртон ирж буй солир манай гарагт ямар хор хохирол учруулах талаар эрдэмтэд 2017 оны эхээр үнэн зөв мэдээлэл өгөх юм байна.
