“TEDMED Live Ulaanbaatar 2015” зохиогдоно

TED нь дэлхийн шилдэг сэтгэгч, бүтээгчид хуран чуулж, технологи, энтертайнмент, ди­зайн, шинжлэх ухаан, хүмүүнлэг, эрүүл мэнд, урлаг зэрэг олон салбарт гарч буй ахиц дэвшил, шийдэл дагуулсан үнэ цэнэтэй санаануудыг хуваалцах зорил­гоор анх 1984 онд АНУ-д зохион бай­гуу­лагд­жээ. TED-ийн гол зорил­го болох “Үнэ цэнэ­тэй са­нааг тү­гээн дэл­гэ­рүү­лэх” үзэл санаа­ны хү­рээнд орон ну­таг, улс ор­ны хэм­жээнд сайн ду­рын баг хамт олон TED-тэй төс­тэй ар­га хэм­жээг бие даан зо­хион бай­гуу­лах болом­жийг TEDx хөтөл­бөр бий бол­го­сон юм.

TEDMED бол ана­гаах ухаан, эрүүл мэн­дийн сал­ба­рын гэгээ­лэг ирээ­дүйн тө­лөө ит­гэл үнэм­шил, зорил­го, үйл ажил­ла­гаа­гаа чиг­лүүл­сэн эр­дэм­тэд, шинийг сэт­гэг­чид, удир­даг­чид өөрс­дийн бүтээл, санаа­гаа хуваалц­даг ха­луун цэг юм. Уг үйл ажил­ла­гаа нь эрүүл мэнд, эм эм­нэл­гийн сал­бар дахь инновацийг түр­гэс­гэх, нууцлагд­мал түлхүүрийг эрэлхийлсэн гайхалтай санаануудыг тээсэн тухайн салбарт үйл ажиллагаа явуулдаг хүмүүсийг дэлхийн өнцөг булан бүрээс нэг индэр дээр цуглуулдаг юм. TEDMED Ulaanbaatar арга хэмжээг бид ашгийн бус зорилгоор, TED байгууллагаас олгосон албан ёсны TEDx лицензийн дагуу 2013 оноос хойш зохион байгуулж байна.

Энэ жилийн үйл ажиллагаа нь эрүүл амьдрахын тулд хэвшмэл болон хэвшмэл бус ойлголтуудыг танин мэдэх, нийгэмд тогтсон хэвшмэл ойлголтыг өөрчлөх замаар зөв хэвшлийг бий болгох, улмаар дэлхий нийтийн  эрүүл аж төрөх үйлсэд тодорхой хувь нэмрээ оруулахад чиглэгдэж байгаа юм. TEDMED Live Ulaanbaatar 2015 нь "Breakthrough" буюу “ЭРГЭЛТИЙН ЦЭГ” сэдвийн дор 2015 оны арванхоёрдугаар сарын 19-ний өдөр Blackbox Theatre Mongolia-д бүтэн өдрийн турш 250 оролцогчтой зохион байгуулагдах гэж байна. Дэлгэрэнгүй мэдээллийг TEDMEDLiveUlaanbaatar 2015 фэйсбүүк хаягаас авах боломжтой.