Энэ сарын 5-ны өдөр ерөнхий сайд асан Н.Алтанхуягийн эхнэр Э.Сэлэнгийг Герман улс руу зорчих гэж байхад нь хуулийн байгууллагынхан таслан зогсоосон талаар мэдээлэл өмнө нь хүргэсэн билээ. Одоогийн байдлаар ямар шалтгааны улмаас хориг тавьсан нь тодорхойгүй байгаа ч хэвлэлээр янз бүрийн мэдээлэл гарсаар байгаа. Олон нийтийн анхаарлыг татаад байгаа энэ асуудлаар Ерөнхий сайд асан Н.Алтанхуяг одоог хүртэл ам нээгээгүй байгаа юм. Харин өнөөдөр УИХ-ын гишүүн асан Н.Алтанхуяг цаг үеийн асуудлаар мэдээлэл хийхээр болжээ. Олны анхаарал татаж буй асуудлаар мэдээлэл өгнө гэсэн сураг ажиг байна.
