.jpg?1478163422247)
Монгол улс өнгөрсөн жилүүдэд гадаадын хөрөнгө оруулагчдын хамгийн дуртай "бай" байсан хэмээн олон улсын шинжээчид үздэг. 2011 онд Монголд зориулах гадаадын хөрөнгө оруулалтын тоо нэмэгдэж, 5 тэрбум ам долларт хүрсэн гэж үздэг. Харин өнгөрсөн жилийн баримтаас харахад унасан үзүүлэлт гарлаа.
2012 онд ажилгүйдлийн тоо буурч 5 хувьд хүрсэн бол энэ онд 12 хувь болж өсчээ. Дотоодын нийт бүтээгдэхүүний өсөлт 2009 онтой харьцуулахад 2,3 хувиар буурсан үзүүлэлт гарсан байна. Олон улсын шинжээчдийн үзэж буйгаар 2016 онд Монгол улсын хэмжээнд ДНБ өсөлт 0,8 хувиар нэмэгдэж болох юм хэмээн таамаг дэвшүүлжээ.
Герман-Монголын хамтарсан бизнесийн ассоциациас үзэж буйгаар “Монголтой хамтран ажиллах сонирхолтой гадаадын хөрөнгө оруулагч байгууллагын тоо буурсан” гэв. Мөн Монголын бизнесийн зах зээл хумигдмал жижиг тул шинэ бизнес эхлэхэд тохиромжгүй. Иймээс гадны хөрөнгө оруулагчид сонирхох төдийд л яриад өнгөрдөг гэжээ. Ирэх хоёр жилийн хугацаанд Монголын засгийн газар Оюу Толгойн үйл ажиллагааг өргөтгөхөд зориулан 5,3 тэрбум долларын санхүүжилтийн асуудлыг шийдэх ч мэргэжилтэнүүд хөрөнгө оруулалтын асуудлыг шийдсэн ч монголын засгийн газарт эдийн засгийг нь сайжруулах хэмжээний мөнгө, санхүүгийн эх үүсвэр болохгүй хэмээн үзэж байна.
Мөн Монголын засгийн газар гуравдагч хөршийн бодлогыг сайжруулахгүй бол эдийн засгийн байдал муу хэвээр байж,зөвхөн хоёр хөршөөсөө тусламж авч, хараат байна гэдэг нь өөрөө өрөөсгөл ойлголт юм. Тиймээсурд, хойд хөршийн үйл ажиллагааг тэнцвэртэй байлгаж, гуравдагч хөршийн бодлогыг барих нь зүйтэй хэмээн дүгнэж байна.
ИЗНН-ын дарга, УИХ-ын гишүүн асан С.Оюун “Манай улс гурван сая хүн амтай. Биднийг гадны хөрөнгө оруулагчид эрдэс бодис, ашигт малтмалаар баялаг орон гэж хардаг. Ихэнхи гадаадын хөрөнгө оруулагчдын томоохон төслийг хувийн байгууллагууд дэмжин ажиллах, удирдан зохион байгуулах хандлага харагддаг. Иймээс засгийн газар, гадны хөрөнгө оруулагчидтай хамтарч ажиллах нөхцөл байдал үүсэхгүй байна. Эсвэл бид Канад, Австрали орны туршлагыг хэрэглэж, уул уурхай, аж үйлдвэрлэлийн салбарыг нэмэгдүүлж, гадаад экспортыг өсгөх шаардлагатай" гэлээ.
Монгол улс сүүлийн жилүүдэд нүүрсний экспортод хэт их анхаарч, дотоодын дагалдах бусад үйлдвэрлэлийн чиглэлийн үйл ажиллагааг доголдуулсан. Үүний дараа дэлхий дахинаа нүүрсний ханш унаж, Хятад улс бага үнээр худалдан авч, үнэгүйдүүлсэн хэмээн www.aboutcroatia.net сайтад бичжээ.
Британийн Колумбын их сургуулийн Монгол судлаач Жулиан Диеркес “Монгол улсын зах зээлд түүхийн эдийн уналт хүчтэй нөлөөлсөн. Ийм зүйлд Монголын засгийн газар бэлэн байгаагүй байх. Энэ явдалаас үүдэн гадаадын хөрөнгө оруулагчид эдийн засаг нь байнга “савалдаг” оронд хөрөнгө оруулахыг хүсээгүй байж болох юм” гэжээ.
Мөн МУ ерөнхий сайд асан Ч.Сайханбилэг уул уурхайн салбарт хөрөнгө оруулагчдын тоог нэмэгдүүлэнэ гэж төлөвлөж, ажиллаж байсан. Гэвч энэ оны УИХ-ын сонгуульд үнэмлэхүй ялагдал хүлээсэнээр засгийн газар, нийгэмд төдийлөн өөрчлөлт авчраагүй дууссан юм. Мөн Монгол төгрөгийн ханш өдөр ирэх тусам буурч, инфлиацын түвшин өсөж, ажилгүйдэл нэмэгдсээр байна хэмээн Монгол-Германы хамтарсан бизнесийн ассциациаас онцолж байна.
Германы Гео-шинжлэх ухаан, байгалийн баялагын хүрээлэнгийн эдийн засагч, геологич Харалд Элснер "Зөвхөн нүүрс, зэсний уурхайг ажилуулж, үүнийг эдийн засгийн хөшүүрэг гэж харахаа зогсоох хэрэгтэй. Харин үүний оронд газар доорхи ховор элемент, эрдэс бодис ашиглан онгоцны хөдөлгүүр, хосолсон хөдөлгүүрт автомашин үйлдвэрлэл, техникийн экспортыг нэмэгдүүлж, дэвшилтэт технолгийн салбарыг сонирхон судлах хэрэгтэй гэж онцоллоо.
Chuhal.mn
Эх сурвалж: aboutcroatia.net
