Австралийн зүүн эргийн “Мөрөөдлийн дэлхий” паркийн тоглоом эвдэрснээс үүдэн өнөөдөр хоёр эмэгтэй, хоёр эрэгтэй харамсалтайгаар амь насаа алдлаа. Паркийн ажилтан тоглоомыг яаралтай зогсоож цагдаад дуудлага өгчээ. Хохирогчдыг одоогоор хэн болохыг нь тогтоогоогүй бөгөөд 30-40 орчим насны хүмүүс байгаа гэнэ.
Энэхүү тоглооом нь агаарт тойрог замаар завин дээр суун эргэлддэг бөгөөд дэндүү хурдан эргэснээс болж зорчигчид нь гадагш шидэгдсэн гэнэ. Паркийн эрхлэгч ярихдаа: “Өнөөдрийн хувьд манай хотын хамгийн гунигтай өдөр болж байна. Урьд нь манай паркад ийм аймшигтай хэрэг гарч байгаагүй. Би үүнийг хараад шоконд орлоо” хэмээжээ. Энэхүү тоглоом нь 1986 онд анх суурилагдсан ба 45 км/ц-ийн хурдтай эргэлддэг аж. Гэр бүлийн гэсэн тодотголтой тоглоомын нэг завинд зургаан хүн суух зориулалттай байсан байна.
