Сум, дүүргийн ИТХ-ын ээлжит сонгуулийн санал авах үйл ажиллагаа эхэллээ . Санал авах үйл явц улс орон даяар Улаанбаатарын цагаар 07.00-22.00 цагийн хооронд явагдах юм. Энэ удаагийн сонгуулиар 21 аймгийн 1613 баг, нийслэлийн есөн дүүргийн 152 хорооноос нийт 7282 төлөөлөгч сонгогдох юм. Эдгээр мандатын төлөө өрсөлдөхөөр 15212 нэр дэвшигч бүртгүүлснээс улс төрийн нам, эвслээс 14489 нэр дэвшигч бүртгүүлжээ. Нийгмийн дэвшил эмэгтэйчүүдийн хөдөлгөөний салбар зөвлөл Сонгуулийн ерөнхий хорооноос олгосон зөвшөөрлийн дагуу сонгуулийн явцад хяналт шинжилгээ хийх, сонгуулийн үйл явцыг ажиглана. Түүнчлэн, иргэдийг дүүрэг хорооныхоо санал авах байранд очиж сонгуульдаа идэвхтэй оролцохыг Сонгуулийн Ерөнхий хорооноос уриаллаа.
