УИХ-ын гишүүн Г.Уянгын санаачилсан Ерөнхий сайд Ч.Сайханбилэгийг огцруулах бичигт 19 гишүүн гарын үсэг зурсан гэх мэдээлэл зарим хэвлэлээр гарсан.
Үүнтэй холбоотойгоор гишүүн Г.Уянга өөрийн фэйсбүүк хуудсаараа дамжуулан зарим мэдээллийг өгчээ. Тэрээр “Би эмнэлэгт 8 дахь өдрөө байна. Өнөө өглөө юу болов гэмээр сэтгүүлчид ээлж дараалан ярьж, гарын үсэг хэд болсныг лавлав. 19 болсон тухай баахан мэдээ түгсэн, бишээ түгээсэн бололтой.
Ийм мэдээ түгээж юунд ашиглах гээв. Битгий ийм арчаагүй бай. Зурах юм бол зүгээр л ирээд зур” гэжээ. Мөн тэрээр “Нэр хүнд нь шалны алчуураас дорд орсон Ч.Сайханбилэг С.Баярцогтоосоо салах боломж АН-д үүнээс өөр олдохгүй ч биз. Гэвч тэр нь надад хамаагүй. Дубайн гэрээний төлөө Ч.Сайханбилэгт огцрох ч багадна” гэсэн байна.
