Өнгөрсөн лхагва гарагт хоёр байнгын хорооны хамтарсан хурал болж Хөгжлийн банк болон бондын хэрэгжилтийг шалгасан ажлын хэсгийн дүгнэлтийг хэлэлцэх байсан. Харамсалтай нь тус ажлын хэсгийн ахлагч Л.Энх-Амгалан ирээгүй гэдэг шалтгаанаар асуудлыг хойшлуулсан. Тэгвэл өнөөдөр тус ажлын хэсгийнхэн хуралдах байсан ч ажлын хэсгийн ахлагч эзгүй гэдэг шалтгаанаар дахин хуралдсангүй. Хөгжлийн банкинд хийсэн шалгалтаар ноцтой зөрчил илэрсэн талаар мэдээлэл хийсэн ажлын хэсгийн ахлагч Л.Энх-Амгалан тойрогтоо ажиллаад завгүй яваа бололтой. Нэгдсэн чуулганы үеэр тойрогтоо ажиллаж, төрийн ажил гацаалаа хэмээн шүүмжлэн бухимдах гишүүд ч байна лээ.
