“Эрдэнэс Тавантолгой” ХК-ийн “Эв санааны нэгдэл” үйлдвэрчний эвлэлийн дарга С.Эрдэнэ өөрийгөө шатаасны улмаас хүнд гэмтэж, ГГСҮТ-ийн сэхээн амьдруулах тасагт хэвтэж байсан. Тэгвэл өчигдөр С.Эрдэнэ гэр бүлийнхэн болон хариуцагч эмчийн хамтаар эмчилгээ хийлгэхээр БНСУ-ыг зорьжээ. Түүний эмчилгээний зардал болон байрлах буудлын зардал, онгоцны тийз зэрэг нь нийлээд 130 орчим сая төгрөг болсон аж. Эдгээр зардлыг “Эрдэнэс тавантолгой” компаниас гаргаж байгаа аж.
