Дундговь аймгийн ажиллагаа явуулдаг “Оюуны хөгжил” хувийн цэцэрлэгт туслах багшийн үүрэг гүйцэтгэж байсан тогооч нялх хүүхдийг тамлан зовоож, хоол идсэнгүй хэмээн зодож зандчиж буй бичлэг олон нийтэд цацагдсан билээ. Уг бичлэгийг хийсэн багш энэ бичлэгийг cap гаруйн өмнө хийсэн ч өөрөө ажиллаж байсан учраас олон нийтэд дэлгээгүй. Учир нь тухай үед тухайн багш эмэгтэй дарамталсан гэдгийг хүүгийн эцэг, эх нь тайлбар хийсэн байсан. Тэгвэл хүүхдийг харгис хэрцгий тамлаж буй уг тогоочийн хэргийг одоо цагдаагийн байгууллага шалгаж эхэлсэн бөгөөд мөн бичлэг хийсэн багшид ч хэрэг үүсгэсэн байна. Энэ талаар Дундговь аймгийн Засаг дарга С.Од-Эрдэнэ УИХ-ын гишүүн Г.Уянгад мэдээлжээ. Хүүхдийг үзүүлэхээр аав ээжтэй нь хот руу явуулсан бөгөөд зодуулсан бяцхан хүү татаж унах шинж тэмдэг илрэх болсон аж. УИХ-ын гишүүн Г.Уянга дахин ийм асуудал үүсгэхгүй байхад анхаарах, бүх цэцэрлэгийг камержуулах талаар арга хэмжээ авч ажиллахыг Л.Гантөмөр сайдад уламжлах юм байна.
