ЭМС-ын сайд асан Г.Шийлэгдамба цагдан хоригдоод сар гаруйн хугацаа өнгөрч байгаа. Тэгвэл авлигын хэрэгт буруутгагдан хоригдож буй Эрүүл мэнд, спортын сайд асан Г.Шийлэгдамбын биеийн байдал муудсан гэх мэдээлэл байнга гарч байгаа. Энэ мэдээллийг түүний өмгөөлөгч баталж, яаралтай эмнэлэгт хэвтүүлэх шаардлагатай байгааг хэлж байсан билээ. Тэгвэл өчигдөр үдээс хойш Г.Шийлэгдамбыг П.Н.Шастины нэрэмжит улсын 3-р төв эмнэлгийн эрчимт эмчилгээний тасагт яаралтай хэвтүүлэн эмчилгээ хийж байгаа гэнэ. Түүнийг мөрдөн байцаалтын явцад Эрүүгийн хуулийн тусгай ангийн 268.2-т зааснаар эрүүгийн хэрэг үүсгэн яллагдагчаар татаж, цагдан хорих хугацааг хоёр сараар сунгасан.
