Улс орон даяар энэ сарын 15-наас ЭЕШ эхэлсэн билээ. Маргааш Газарзүй, математик, Биологи, Монгол хэлний шалгалтаар үргэжлэх юм байна. Энэ жил улсын хэмжээнд 37800 шалгуулагч бүртгүүлсэн байна. Гэвч эхний өдрийн Монгол хэл, бичгийн шалгалтаа цөөнгүй хүүхэд өгч чадаагүй юм. Аль сургуульд элсэлтийн шалгалт өгөх нь ойлгомжгүй, сургуулиас сургуулийн хооронд явснаас ийм явдал боллоо гэж сурагчид тайлбарлаж байгаа. Мөн бичиг баримт дутуу, огт ирээгүй зэрэг шалтгаанаас үүдэн нэлээд олон хүүхэд шалгалтандаа орж амжаагүй юм байна. Тиймээс шалгуулагчид шалгалтын байр, ангиа сайн асууж, лавлаж өөрсдөө хариуцлагатай хандахыг анхааруулж байна. ЭЕШ энэ сарын 19-ны өдөр дуусна.
