Энэ сарын 17-18-ны өдрүүдэд Польш улсын Спала хотод болох эмэгтэй чөлөөт бөхийн ХХ дахь удаагийн “Poland Open” олон улсын тэмцээнд эхэлнэ. Тэмцээнд манай улсаас 58 кг-ын жинд Гавъяат тамирчин С.Цэрэнчимэд, олон улсын хэмжээний мастер Э.Гантуяа П.Орхон, Б.Шоовдор нар оролцох юм байна. Мөн 63 кг-ын жинд Гавъяат тамирчин С.Батцэцэг, 69 кг-ын жинд Гавъяат тамирчин О.Насанбурмаа олон улсын хэмжээний мастер Ш.Түмэнцэцэг нар барилдах аж. Дасгалжуулагчаар Гавъяат дасгалжуулагч Б.Батбаяр, эмэгтэй үндэсний шигшээ багийн дасгалжуулагч, Гавъяат дасгалжуулагч З.Дүвчин, шүүгчээр олон улсын шүүгч Б.Эрдэнэболд, эмчээр Биеийн тамир, спортын хөгжлийн төвийн Спортын анагаах ухааны албаны эмч М.Саранцацралт нар багтжээ.
