Хөгжмийн урлагт урьд өмнө нь болж байгаагүй шинэлэг үзэгдэл бүхий “Boy band”-уудын тоглолт өнгөрсөн аравдугаар сард болсон. Монголын рок поп урлагийн шилдэг эрэгтэй таван хамтлаг "Сүнс", "Камертон", "Номин талст", "Салхи", "Guys" нарын хамтарсан "Мартагдашгүй" тоглолт энэ сарын 18-нд дахин тоглогдож сонсогч фенүүддээ дурсамж дүүрэн "Мартагдашгүй" үдшийг бэлэглэхээр болжээ. Дэлхийн дээд зэрэглэлийн клубуудын стандартаар Монголд анх удаа байгуулагдаж “CASTLE” клубын нээлтэнд зориулан тоглогдох “VIP” тоглолтонд таван хамтлагийн залуус маань үе үеийн хит дуунуудаараа үзэгчдийн сонорыг мялааж, дурсамжыг сэргээн хамтдаа дуулж бүжиглэж нэгэн оройг гайхалтай өнгөрүүлэхээр болжээ.
