Казахстаны Астана хотноо энэ сарын 19-нд боксын эмэгтэйчүүдийн ДАШТ эхэлнэ. Тус тэмцээнд 73 орны 326 ширэн бээлийтэн Астанад очихоор мэдүүлгээ илгээсэн байна. Тэмцээнд оролцох манай эмэгтэй баг тамирчид өнөөдөр эх орноосоо мордлоо. Олимпийн жин буюу 51 кг, 60 кг, 75 кг-ийн жинд эхний дөрвөн байр буюу алт, мөнгө, хүрэл медаль хүртсэн тамирчид “Рио-2016” зорих эрхтэй болох юм байна. Монголын багийн бүрэлдэхүүнд 48 кг Л.Алтанцэцэг, 51 кг-д М.Нандинцэцэг, 54 кг Т.Болортуул, 57 кг М.Гүндэгмаа, 60 кг О.Сувд-Эрдэнэ, 64 кг Н.Баянцэцэг, 69 кг Э.Эрдэнэтуяа нар багтжээ.
