Улаанбурхнаар өвчлөгсдийн дунд бага насны хүүхдээс гадна 18-30 насныхан, тэр дундаа оюутнууд зонхилж байгаа аж. Тийм учраас Засгийн газраас хөрөнгө гаргаж, дээрх насныхныг вакцинд хамруулахаар болжээ. Вакцинжуулалт энэ сарын 12-ны өдрөөс улс даяар эхлэх юм байна. Нэг тун вакциныг 10 мянган төгрөгөөр хийх аж. Бага насны хүүхдүүдийн хувьд товлолт вакцин хийлгээд удаагүй учир дахин тариулах шаардлагагүй, мөн жирэмсэн эмэгтэйчүүдэд вакцинд хамрагдахгүй юм байна. Түүнчлэн вакцин тариулснаас хойш нэг сарын хугацаанд жирэмслэж болохгүй гэнэ.
