УИХ-ын Төсвийн байнгын хорооны өнөөдрийн хуралдаанаар Монгол Улс нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуулийн төслийг хэлэлцлээ. Энэ үеэр Сангийн яамны Санхүүгийн бодлогын газрын Өрийн удирдлагын хэлтсийн дарга Н.Одонтуяа Монгол Улсын 2024 онд төлөх бондын өр төлбөрийн мэдээллийг өглөө.
Тэрээр "2024 оны гуравдугаар сард "Хуралдай" бондын 391 сая ам.долларын үндсэн төлбөр, гадаад зээлийн үндсэн төлбөрт 380 сая, хүүгийн төлбөрт 299 сая ам.долларын өр төлбөрүүдийг төлөх ёстой" гэлээ.
