Кофе бол дэлхий дээр хамгийн их нэр хүндтэй ундаа билээ. 17-р зуны үед арабууд кофег Европт авчирсанаас хойш хүмүүс түүний сайхан үнэр, амт, тайвшруулах үйлчилгээг шагшин магтах болсон. Кофейнд агуулагдах кофейн төв мэдрэлийн системийн үйл ажиллагааг сэргээж, ядаргаа ,нойрмог байдлыг арилгаж ажлын чадварыг нэмэгдүүлдэг. Нэг аяга буцалсан усанд нэг цайны халбагаас илүүгүй кофе хэрэглэхийг зөвшөөрдөг. тархсан Энэ тунгаар хэрэглэвэл аяга кофенд 0,05-0,1 кофейн агуулагдана. Үүнээс илүү хэрэглэвэл эрүүл хүний ч зүрх дэлсэж, артерийн даралт хэлбэлздэг гэнэ. Яагаад гэдгийг эрдэмтэд тогтоосон байна.
Судалгаанд оролцсон 170 хүнд өглөө, өдөр, орой хэд хэдэн цагийн зайтайгаар кофе уулгаж байхад ихэнх хүний дотоод цагийг эрчимжүүлэх буюу эрч хүч оруулж байв. Судлаачид мөн эмэгтэй хүмүүст кофе илүү үйлчилдэгийг тогтоосон байна. Үүнийг эмэгтэй хүний даавартай холбон тайлбарласан байна.
Эрдэмтэд олон жилийн туршид кофег хүний биед хортой юу, хоргүй юу гэж маргалдсаар ирсэн. Заримынх нь үзэж буйгаар кофе хүний зүрх судасны үйл ажиллагаанд хор учруулдаг байхад зарим эрдэмтэдийн баталснаар харинч сайн нөлөөтэй гэдэг .Саяхан Австрийн эрдэмтэд кофе нь биеийг идэвхжүүлдэг, санах ойг сайжруулдаг, амьдралд өөдрөг хандах хандлагыг төрүүлдөг гэж баталжээ
Кофей нь тархины төв мэдрэлийн тогтолцоонд хурдан үйлчилж, ямар нэгэн үйлдэл хийх, тэмүүлэл өгдөг байна. Иймээс хүн мэдээллийг хурдан хүлээн авч, цаг хугацаанаас үл хамааран хариу үйлдэл хийх чадвар өндөр болдог байна. Үүнийг кофенд ихээр агуулагддаг Р витамин цусны судсыг уян хатан болгодог улмаар нэг аяга кофе ууснаар хүний бие нэг цаг ажиллахаас 20 % илүү ажиллах чадвартай болдог гэж тайлбарлажээ. Кофе уухгүй бол их нойргүйдэлд нэрвэгдэж, унтаж байхдаа хэт мэдрэмтгий болсноос байн байн сэрж, улмаар ядарснаас дархлаа муудаж, өвчин тусахдаа амар болдог байна.
