Казахстаны Алматы хотод дөрөв дэх удаагийн Поддубный бөхийн лиг (PWL) болж байна. Тэмцээнд "Токио-2020" олимпийн наадам, "Нурсултан-2019" ДАШТ-ий хүрэл медальт, гавьяат тамирчин Бат-Очирын Болортуяа 53 кг-ын жинд өрсөлдөж байгаа бөгөөд эхний барилдаанаа ЕАШТ-ий хошой хүрэл медальт, ОХУ-ын хоёр удаагийн аварга дагестан бүсгүй Милана Дадашеватай хийж ялагдал хүлээлээ.
Сонирхуулахад, Б.Болортуяа өнгөрсөн жил "PWL1" болон Яшар Догугийн тэмцээнд түүнийг хоёр удаа ялж байсан бөгөөд энэ удаа Алматыд 13:14-өөр нэг онооны зөрүүтэй ялагдсан юм.
